Maxfiylik bayonoti

«O‘zbekiston arxeologiyasi» ilmiy jurnali saytida foydalanuvchilar tomonidan ko‘rsatilgan ism-shariflar, elektron pochta manzillari, tashkilotlar haqidagi ma’lumotlar va boshqa shaxsiy ma’lumotlardan faqat jurnalning tahririy va noshirlik faoliyati maqsadlarida foydalaniladi.

Taqdim etilgan ma’lumotlardan quyidagi maqsadlarda foydalanilishi mumkin:

  • foydalanuvchilarni jurnal saytida ro‘yxatdan o‘tkazish;
  • qo‘lyozmalarni topshirish va ko‘rib chiqish;
  • mualliflar, taqrizchilar va tahrir hay’ati a’zolari bilan yozishmalar olib borish;
  • ilmiy taqrizni tashkil etish;
  • maqolalarni nashrga tayyorlash;
  • nashr etilgan materiallarning metama’lumotlarini shakllantirish;
  • foydalanuvchilarni qo‘lyozmani ko‘rib chiqish jarayoni va jurnalning tegishli soni chiqqani haqida xabardor qilish.

Shaxsiy ma’lumotlardan reklama yoki jurnal faoliyati bilan bog‘liq bo‘lmagan boshqa maqsadlarda foydalanilmaydi va foydalanuvchining roziligisiz begona shaxslar yoki tashkilotlarga berilmaydi.

Zarur ma’lumotlarni uzatish quyidagi hollarda istisno hisoblanadi:

  • maqolani tahririy qayta ishlash va nashr etish bilan bevosita bog‘liq bo‘lsa;
  • DOI ro‘yxatidan o‘tkazish, indekslash va ilmiy axborot tizimlarida metama’lumotlarni joylashtirish uchun talab etilsa;
  • O‘zbekiston Respublikasi qonunchiligi talablariga muvofiq amalga oshirilsa;
  • nashr etish etikasi buzilishi ehtimolini ko‘rib chiqish uchun zarur bo‘lsa.

Shaxsiy ma’lumotlardan faqat tahririyatning vakolatli xodimlari hamda qo‘lyozmalarni ko‘rib chiqish va nashrga tayyorlashda ishtirok etuvchi shaxslar foydalanish huquqiga ega.

Tahririyat shaxsiy ma’lumotlarni ruxsatsiz kirish, noqonuniy foydalanish, o‘zgartirish, oshkor etish yoki yo‘q qilishdan himoya qilish uchun zarur choralarni ko‘radi.

Ikki tomonlama yashirin taqriz tartibi qo‘llanilganda taqrizchilarning aloqa ma’lumotlari va ularning shaxsini aniqlash imkonini beruvchi ma’lumotlar mualliflarga hamda boshqa shaxslarga oshkor etilmaydi.

Mualliflarning aloqa ma’lumotlari maqolada faqat jurnal qoidalarida nazarda tutilgan va muallif bilan kelishilgan hajmda e’lon qilinadi. Odatda muallifning ismi, ish joyi, yozishmalar uchun elektron pochta manzili va ORCID identifikatori ochiq joylashtiriladi.

Jurnal saytidan foydalanish va shaxsiy ma’lumotlarni taqdim etish foydalanuvchining ushbu Maxfiylik bayonotiga roziligini anglatadi.